First time ko sa Masbate. excited. ;) May maidugang eon man ako sa akong listahan it mga probinsyang hiagtunan. ☼ Sadya dahil sambilog man lang gali do flight paadto it Masbate via Cebu man o Manila ag pareho gid ang agahon pa do flight kaya kinahangean mo gid mag overnight stay. Sa among itinerary, nag via Cebu kami. May maeapit gali nga pension house sa may Cebu-Mactan airport,
Silangan Inn. Tikangon mo eang paggwa paadto sa parking lot sa tuo ag makit-an mo eon do lugar. Manami para sa mga nagadali ag indi eon kinahangean magtaxi pa. Galing hai nag end up man gihapon kami sa taxi dahil umuean. hahahaahha
Pagtugpa it eroplano sa Masbate, nakit-an ko nga kaisot ko andang airport. Owa pa it conveyor kaya ikaw magporter sa ing bagahe. Paggwa namon huya-huya gid kami dahil do grupo it Rotary Club of Masbate hai una gahueat sa among pag-abot may banner pa nga nakabalandra tapos kami ni paligos owa dahil pilang oras man lang among tueog ag timprano pa pageupad kaya hambae ko hai pag-abot lang maligos. bwahahahaha
Anyway, sa paglibot-libot sa unang adlaw ag pagmiting sa DepEd, nakit-an ko ro sign ngara sa pader:
at least may may rason kung ham-an kinahangean mag antigo it Ingles ;)
Daya do dating City Hall it Masbate ag makaron hai gin ubra nandang opisina it Coastal Resource. Ayos mat a dahil owa nanda ginguba kundi ginpreserve pa gid. Namian ako sa anang antique look. Typical nga design it mga baeay dati.
Nag courtesy call kami sa Mayor galing hai owa imaw kaya do Vice Mayor do nag atubang kamon. Miembro man imaw it Rotary Club.
 |
| vice mayor of Masbate City, Ruby Sanchez |
Daya ing makit-an sa sueod it museum nanda sa Coastal Resource.
 |
| recycled plastic cups |
 |
| iba ibang lenggwahe |
Habang gamiting kami sa opisina it DepEd may nagsueod nga galibod it puto. Pagkakita ko nga pareho sa puto ni Nay Merly nga ginbahoean ko sa baryo, pumalakpak gid ang sa kalipay. May ginpreparar a sanda nga donut pero napabakae a si doktora pagkakita na sa ang reaksyon.
Kanamiton gid a do puto ngara. Sambilog sa mga rason nga mabalik ako sa Masbate. ;)
Pagkatapos it miting, naglibot kami sa syudad. May gin-usoy kami nga pizza haus galing hai nag sarado eot a kuno kaya haadto kami sa Joe's Pizza ag daya among nakit-an ag inorder. Manami andang steak. Nasayran ko kilaea gali do Masbate sa steak dahil abo andang kabakahan idto nga gahalin pa sa Australia. Kaya sikat pa gid sanda sa Rodeo Festival.
 |
| medyo mahae da serving para kakon pero nami man |
 |
| yummy tacos |
|
Sa paglibot namon sa andang tindahan, nakakita ako it tinapay ngara nga mainit-init pa. P6 eat a kaya nagbakae ako para samitan. Manami man may halong pinya ag mabusog ka gid pero siempre gaiwas ako sa tinapay nga made of flour kaya hasta eang maw sa samit ;)
Sunod namon nga gintsek hai 7-AR nga resort. Namian ako sa ambience pagsueod pa eang namon. May touch it nature do ana nga tema ag eabi sa tanan hai sa atubang imaw it baybay. Diretso gid ang dayon sa baybay ag humambae nga iya kita maihapon sa binit it baybay. Pagtawag ko sa staff nga mahueam it andang menu hinambaean na ako nga 10% additional kung idto kami by the sea makaon ag may entrance fee gali kuno nga P50/head. Awtomatik eagi do among tindog ag pagpaeayo sa pool area ngato ay may bayad. hahahahaha
 |
| parking area maeapit sa restawran |
Kanamiton gid a kunta do view dahil patunod eon do adlaw pag-abot namon. Among gin-ubra hai nagsaylo sa andang restawran mismo para indi eon magbayad it entrance fee. Pagkakita namon it menu hai namahaean ako kapin pa gid pagserve eon dahil sangkiri maw para sa presyo nga ginbayad. Owa man ako namian gid sa mga pagkaon nanda pero kung view ag ambience hai ok gid do lugar.
 |
| sunset by the pool |
 |
| a few of their cottages |
 |
| boat in a pool by the sea chuva |
Naglibot man kami sa syudad ag nakahapit sa andang katedral, St. Anthony de Padua Parish.
 |
| sa Adoration Chapel |
Gintreat kami it ihapon ko Rotary Club of Masbate sa dayang restawran. May live band ag may ballroom dancing pa. Siempre natapos do gabii nga bisan ano pang pilit nanda kakon magsaot owa gid nando ko hapatindog. Nag dare pa gid ngani sanda nga hakwatan ako para eang daehon sa dance floor. Hala pasensya owa sa ang dugo do pagsaot ag kung gasaot man gid ako hai sa baeay eat a ag ako eat a do audience.
Nag enjoy gid ako sa ginhanda nga pagkaon. Paborito gid a tanan.
Sa kaabuon it pagkaon owa ko gid hatabing do alimango ngara. Himala pero natabo. Sambilog pa eang abi nga sugpo hai busog eot ang ;)
Pagkasunod nga adlaw may speaking engagement eon man kami sa Bituon Resort. Maeapit imaw sa Masbate City pero sueodlon nga lugar. Manami man do dagat ai limpyo gid a. Kung owa eang ako nahuya nga mabasa do saeakyan nga nag service kamon eomukso gid ako sa dagat.
 |
| Bituon Resort |
Daya do sambilog sa mga swing/shed idto sa atubang it baybay. Kanami gid a magpahilay-hilay habang gatan-aw ka sa kadagatan.
 |
| kaming mga single ag watid |
 |
| aliw ako sa crispy tongol |
Halin sa Bituon Resort, dumiretso kami sa Racknel's para mag ilabas. Mingko disappointed ako sa mga restawran nga ginkan-an namon kaya nangutana gid ang kung siin do restawran nga manami adtunan. Racknel's do ginrekomenda. Sa naunang restawran hakit-an ko ro crispy tongol ngara ag nag wonder ako kung ano imaw. Gali hai panit kuno it manok nga ginprito? Owa ako nag order.
Sunod ko nga nakit-an sa menu hai Malboro. Grabe gid ang hinibayag ko. May kamahaean man do presyo it pagkaon galing hai worth mat a. Manami gid andang crispy pata pero siempre pinakamanami mat a gihapon kakon nga crispy pata hai kat sa CamSur.
Manami pa gid andang sinabawan nga isda pero do pinakamanami hai sa kilid imaw it baybay kaya lunch by the sea gid a do drama ;)
 |
| Racknel's by the sea |
Halin sa among lamesa kung siin kami gakaon, kitang-kita kung siin naeunod si dating Sec. Jesse Robredo. Nakilaea ko pa ngani do sambilog sa mga nagaserbe nga nakakita pagbulusok it eroplano. May gintsismis pa kamon nga pagkatabo kuno kato hai may mangingisda nga nakaeapit eagi habang do ikog it eroplano hai owa pa tuluyan nga naeunod. Ginahigtan na kunta kuno it eubid do ikog ngato ag butangan it buoy para madaling usuyon kung maeunod eon galing hai imaw man kuno ro pag-abot it speed boat ko Coast Guard ag ginwarningan imaw nga magpaeayo ai basi kuno sumabog. Hai kundi pilang adlaw gid to nga pag-ilinusoy ai wa gid ginpatihan do wisdom it tawong tumandok a it dagat. Imaw pa eang man kuno dayon nasayran it mga Masbateños nga do canal nga gintugpaan it eroplano ngato hai 2nd deepest in the country. Anyway, tapos eot a to ag oras eon gid a ni Sec. Robredo rato.
Sa pilang adlaw ko sa Masbate owa gid ako it makitang brewed coffee. Tanan hai 3 in 1 ag owa ako naila it instant nga kape. Kaya sa ulihing gabii namon sinigurado gid a ko among host nga hidaea kami sa kapehan nanda nga mingko starbucks man kuno it nami. Hai tao kung ano kanami do starbucks nga kape ngaron ai owa gid ako masyadong namian. Anyway, can't wait for it. Hara do mingko Starbucks nga kapehan sa kilid it gasolinahan. Maisot eang maw nga lugar pero mabuot do mga staff ag ka homey do feeling.
Gin order namon tanan nga klase it keyks para samitan ag mahusgahan kung ano ro pinakanami. Winner kakon hai do avocado cake nanda. Masaboran mo gid do avocado. Sa pag-inusoy ko it kape owa man gihapon ako it nakit-an nga iba sa usual ko nga nasamitan kaya nag wintermelon shake lang ako. Manami man ;)
 |
| chocolate keyk |
 |
| avocado cake |
 |
| coffee latte |
 |
| carrot cake |
 |
| ube cake |
 |
| mango cake |
 |
| wintermelon shake |
Pero eabaw sa mga keyks hai kanami pa gid ag saboroso do andang lasagna. Siguro dahil preska gid a do beef nga gamit? Tao owa ako it hasayran mageaha kara ang sayod eat a nakon hai kon-on imaw da. Eowas sa tinapay nga sidings nga owa gid ako naila dahil gusto ko ta hai wheat bread, highly recommended ko do lasagna. Must try gid when you're in Masbate.
 |
| lasagna |
 |
| us with our cool couple host, Drs. Comin |
 |
| pick your choice |
Pagkatapos it pangapengape ag pabusog sa keyk, naghapit kami sa bolingan nanda. Sayang owa ako sa tamang outfit sadya kunta magpaburn it fats ;) Mahae abi kung magrenta ka pa it gamit.
Very colorful and bright gid do bowling area nanda. Nalingaw gid ako magtan-aw sa mga nagahampang eowas karon hai paborito ko do kolor nga green ;)
Pagbalik ko sa Masbate, mahampang gid ako kara. ;)
Sa airport eon kami pabalik saka nagkadrama. 10 kilos eang gid gali do allowed sa eroplano dahil maisot imaw kaya owa it pueos nga magbakae ikaw it extra baggage dahil indi man gihapon sanda magsugot. Hasta ako mismo hai ginkilo. Bay-i eang basta mabalik gid ako sa Masbate ai abo pang mga isla ro ang dapat bisitahon. Owa pa ako kaadto sa Buntod Reef nanda ag sa farm mismo it mga baka.
No comments:
Post a Comment